• Утас
  • (976) 5126-1601
  • Ажлын Цаг : Даваа - Баасан , 08:30 - 16:30

ДОРНОД, СҮХБААТАР АЙМАГТ “МАЛ ЭМНЭЛГИЙН УРЬДЧИЛАН СЭРГИЙЛЭХ АРГА ХЭМЖЭЭНИЙ НЭЭЛТ 2018 ОН” ҮЙЛ АЖИЛЛАГААГ ЗОХИОН БАЙГУУЛАВ


Дорнод, Сүхбаатар аймагт “Мал эмнэлгийн урьдчилан сэргийлэх арга хэмжээний нээлт 2018 он” арга хэмжээг зохион байгуулах ажлын хэсгийн ахлагчаар ХХААХҮ-ийн дэд сайд Ж.Сауле, гишүүдээр МЭҮГ-ын гоц халдварт өвчин хариуцсан мэргэжилтэн Х.Бодьсайхан, МҮОНРТ-ийн сэтгүүлч Д.Сүхбаатар, зураглаач С.Мөнгөншагай, ХХААХҮ-ийн яамны жолооч Т.Соёл-Эрдэнэ нарын бүрэлдэхүүнтэйгээр 2018 оны 04-р сарын 29-ны өдрөөс 05-р сарын 04-ны өдрийг дуустал хугацаанд ажиллав.

Монгол улсын наран ургах зүг буюу Дорнод аймгийн Хэрлэн суманд 2018 оны 04-р сарын 30-ны өдрийн 10:00 цагт аймгийн Засаг даргын тамгын газрын задгай талбайд “Мал эмнэлгийн урьдчилан сэргийлэх арга хэмжээний нээлт 2018 он” үйл ажиллагааг хөтөлбөрийн дагуу амжилттай зохион байгуулсан бөгөөд аймгийн ХХААГ-ын үйл ажиллагаатай танилцаж, уулзалт, хэлэлцүүлэг зохион байгуулав.

ХХААХҮ-ийн дэд сайдаар ахлуулсан ажлын хэсэг Дорнод аймгийн Хэрлэн, Сүмбэр, Матад суманд хэрэгжүүлж байгаа мал эмнэлгийн урьдчилан сэргийлэх вакцинжуулалтын арга хэмжээтэй газар дээр нь танилцаж, мэргэжил арга зүйн зөвлөмж өгч ажиллав

Сүхбаатар аймгийн Баруун-Урт, Эрдэнэцагаан сумдад “Мал эмнэлгийн урьдчилан сэргийлэх арга хэмжээний нээлт 2018 он” арга хэмжээг зохион байгуулж, аймгийн ХХААГ болон сумдын МЭҮН-ийн эмч нартай цагийн үеийн байдал, тулгамдаж буй асуудлын талаар уулзалт, хэлэлцүүлэг, ярилцлага хийв.

Дорнод, Сүхбаатар аймагт ХХААХҮ-ийн дэд сайдаар ахлуулсан ажлын хэсэгт орж ажилласан МҮОНРТ-ийн зураглаач, сэтгүүлчдийн баг орон нутгаас мэдээлэл бэлтгэн Монголын үндэсний телевизээр 4-р сарын 30, 5-р сарын 2, 4, 5-нд “Цагийн хүрд” болон өдрийн мэдээний цагаар 4-8 удаагийн мэдээг орон даяар нэвтрүүлэв. Мөн Монголын үндэсний телевизээр 5-р сарын 7, 9-нд 21 цагт 2 удаагийн 15 минутын нэвтрүүлэг бэлтгэн орон даяар нэвтрүүлж олны хүртээл болгов.

 


  • Улаанбаатар хот, Баянзүрх дүүрэг
  • Утас: + (976) 51261601
  • Факс: + (976) 51261601
  • И-Майл: -
Copyright © 2018 | Мал эмнэлэг, үржлийн газар.